Super Punjabi Poetry 
By Haider Ali Haider

GHAZAL NO 1 :

غزل

جہڑے تہانوں مارن لئی تیار کھلوتے ہوندے نیں

ساہنویں تہاڈے اوہو گوڑھے یار کھلوتے ہوندے نیں

ویکھن دے لئی بندیا تیرے کرتوتاں نوں دھرتی تے

سورج،چن تے تارے پباں بھار کھلوتے ہوندے نیں

انج وی ہوندائے بعضے ویلے اس انکار دے اوہلے وچ

نیویاں کر کے اکھاں نوں اقرار کھلوتے ہوندے نیں

کدی کدی تے میں حیران ہو جانداں اپنے اکھراں توں

بے مطلب بے مقصد لیکاں مار کھلوتے ہوندےنیں

فیر وی تیرے وَیر نہیں مکدےشاہلا تیرا سر جاوے 

بھانویں عشقا تیرے توں دل وار کھلوتے ہوندے نیں

حیدر علی حیدر

GHAZAL NO 2 :

کدی نہ شاہلا ڈھلدا دن

تیرے باہجوں کل دا دن

میں ویکھی اے پل دی رات

میں جھلیا اے پل دا دن

رڑکاں پاندائے اکھاں وچ

یاد اے مینوں تھل دا دن

کدھرے رات کھلو جاندی

کدھرے رہندا چل دا دن

حیدر علی حیدر

GHAZAL NO 3 :

غزل

اکھ سدھرانی عشق اسارن لگ پئی اے

مطلب شوہ اچ قسمت تارن لگ پئی اے

تخت ہزارہ چھڈ کے بیبا بیلے وچ

ویکھ محبت مجھاں چارن لگ پئی اے

جس دن کجھ نہ لدھا بھکھ نوں جُسے توں

اس دن دندیاں روح تے مارن لگ پئی اے

بلھ سو رکھے خورے کیندے بلھاں تے

خورے کیندا کلیا ٹھارن لگ پئی اے

اک واری تُوں فیر بنا دے ربا وے

مینوں میری سوچ وسارن لگ پئی اے

ہن تے عشقا ہجرت لازم ہووے گی

ساڈی قربت ہجر اتارن لگ پئی اے

اج تے اوہدا خواب ضروری آؤنا اے

حیدر اکھ نوں نیندر لارن لگ پئی اے

حیدر علی حیدر