New Fantastic Poetry in urdu by Umair Najmi
GHAZAL NO 1 :
تُو زندگی کے بُرے تجربات میں سے ہے
تجھے بھُلانا تو ناممکنات میں سے ہے
خبر میں جن کی لکھا ہوتا ہے، "کوئی نہ بچا"
تمہارا ہجر اُنہی حادثات میں سے ہے
مرے لئے ہے اندھیرا بھی روشنی کی طرح
یہ روشنائی، خدا کی دوات میں سے ہے
میں جلد چھوڑنے والا ہوں سب بُری عادات
تجھے نہیں کہ تو مستثنیات میں سے ہے
ہمارا بخشا ہوا عشق تجھ سے کرتا ہے وہ
تجھے جو قرض مِلا ہے، زکوٰۃ میں سے ہے
معاف کرنا! یہ کرتے ہو جس کے نام پہ قتل
معاف کرنا اُسی کی صفات میں سے ہے
ہمیں تو گریہ بھی لگتا ہے سہل، اور یہ چیز
ہماری چند بڑی مشکلات میں سے ہے
عمیر نجمی
Ghazal
Tu zindagi k buray tajribaat maiN se hai
Tujhay bhulana to namumkinaat maiN se hai
Khabar maiN jin ki likha hota hai, "koi na bacha"
Tumhara hijr unhi haadsaat maiN se hai
Meray liay hai andhera bhi raushni ki tarah
Ye raushnaai, khuda ki dawaat maiN se hai
MaiN jald choRnay wala hooN sab buri aadaat
Tujhay nahiN k tu mustasniaat maiN se hai
Hamara bakhsha hua ishq tujh se karta hai woh
Tujhay jo qarz mila hai, zakaat maiN se hai
Muaaf karna! ye kartay ho jis k naam pe qatl
Muaaf karna, usi ki sifaat maiN se hai
HamaiN to girya bhi lagta hai sehl, aur ye cheez
Hamari chand baRi mushkilaat maiN se hai
Umair Najmi
GHAZAL NO 2 :
کثیر قومی اور آزاد کمپنی کے غلام
یہ نو سے پانچ تک اک دفتری گھڑی کے غلام
بڑے اداروں سے تعلیم یافتہ ،خوش پوش
بہت نفیس ہیں، اکیسویں صدی کے غلام
میں اِن کو حکم سناتا ہوں اُس کے حکم کے بعد
مرے غلام بھی ہیں اصل میں اُسی کے غلام
تبھی کنیز کی چیخیں جگا نہ پائیں اُنہیں
کہ سو رہے تھے مشقت کے جام پی کے، غلام
ہمیں بھی کوئی دِکھا دے، اجل کی خفیہ سرنگ
فرار ہوتے ہیں جس میں سے زندگی کے غلام
پڑھا کلامِ فرید اور مجھ ایسے پنجابی
بہ صد نیاز ہوئے اک سرائیکی کے غلام
کسی کے باپ کے نوکر نہیں کہ حکم سنیں
بس اپنی مرضی کے مالک ہیں ہم علی کے غلام
عمیر نجمی
Ghazal
Kaseer qaumi aur azaad company k ghulaam
Ye no se paanch tak ik daftari ghaRi k ghulaam
BaRay idaaroN se taaleem yafta, khush posh
Bohat nafees haiN, ikkeesveeN sadi k ghulaam
MaiN in ko hukm sunata hooN, us k hukm k baad
Meray ghulaam bhi haiN asl maiN usi k ghulaam
Tabhi kaneez ki cheekhaiN jaga na payiN unhaiN
K so rahay thay mashaqqat k jaam pi k, ghulaam
HamaiN bhi koi dikha de, ajal ki khufia surang
Faraar hotay haiN jis maiN se zindagi k ghulaam
PaRha kalaam-e-fareed aur mujh aisay punjabi
Ba sad niyaz huay ik siraaiki k ghulaam
Kisi k baap k naukar nahiN k hukm sunaiN
Bas apni marzi k maalik haiN hum Ali k ghulaam
Umair Najmi
دوست گھر آئے پیاس جمع کیے
میں نے فوراً گلاس جمع کیے
اس نے چیزیں سمیٹیں جاتے وقت
میں نے اپنے حواس جمع کیے
پھول سوکھے تو میں نے کمرے میں
اس کے پہنے لباس جمع کیے
عمیر نجمی
Dost ghar aaye, pyaas jama' kiay
Main ne foran glass jama' kiay
Us ne cheezaiN samaitiN jatay waqt
MaiN ne apnay hawaas jama' kiay
Phool sookhay to maiN ne kamray maiN
Us k pehnay libaas jama' kiay
Umair Najmi
GHAZAL NO 3 :
بہت سی خوشیوں کو صرف ایک غم نے گھیر لیا
عجیب ہے کہ زیادہ کو کم نے گھیر لیا
کنیزیں، مالِ غنیمت کے ساتھ، آتی رہیں
محل کا نصف، کم از کم، حرم نے گھیر لیا
طویل وقت پھرے نشّہِ وجود میں ہم
پھر ایک روز، اچانک، عدم نے گھیر لیا
ہمارے خواب بڑے اور آنکھیں چھوٹی تھیں
جگہ بنائی تو اُس کو بھی نم نے گھیر لیا
پتہ تھا اُس سے بچھڑتے ہی دوست گھیریں گے
وہی ہوا، مجھے رنج و الم نے گھیر لیا
ہماری جیب میں بچپن سے تھی قلم کی جگہ
بڑے ہوئے تو اُسے بھی رقم نے گھیر لیا
مقدّسات کی نگرانی کرنا پڑتی ہے
اِسی اصول کے تحت اُس کو ہم نے گھیر لیا
عمیر نجمی
Ghazal
Bohat si khushioN ko sirf aik gham ne ghair lia
Ajeeb hai k zyada ko kam ne ghair lia
KaneezaiN, maal-e-ghaneemat k sath, aati rahiN
Mahal ka nisf, kam az kam, haram ne ghair lia
Taveel waqt phiray nashsha-e-wajood maiN hum
Phir aik roz, achanak, adam ne ghair lia
Hamaray khwab baRay aur aankhaiN choti thiN
Jagah banai to us ko bhi nam ne ghair lia
Pata tha us se bichaRtay hi dost ghairaiN ge
Wohi hua, mujhay ranj-o-alam ne ghair lia
Hamari jaib maiN bachpan se thi qalam ki jagah
Baaray huay to usay bhi raqam ne ghair lia
Muqaddasaat ki nigraani karna paRti hai
Isi asool k teht us ko hum ne ghair lia
Umair Najmi
GHAZAL NO 4 :
بچھڑ گئے تو یہ دل عمر بھر لگے گا نہیں
لگے گا، لگنے لگا ہے، مگر لگے گا نہیں!
نہیں لگے گا اُسے دیکھ کر، مگر خوش ہے
میں خوش نہیں ہوں مگر، دیکھ کر لگے گا نہیں
جنوں کا حجم زیادہ، تمہارا ظرف ہے کم
ذرا سا گملا ہے، اِس میں شجر لگے گا نہیں
اک ایسا زخم نما دِل قریب سے گزرا
دِل اُس کو دیکھ کے چیخا: "ٹھہر! لگے گا نہیں ؟"
جنوں سے کُند کِیا ہے، سو اُس کے حسن کا کیل
مرے سوا کِسی دیوار پر لگے گا نہیں
ہمارے دِل کو ابھی مستقل پتہ نہ بنا
ہمیں پتہ ہے ترا دل اِدھر لگے گا نہیں
بہت توجہ، تعلق بگاڑ دیتی ہے
زیادہ ڈرنے لگیں گے تو ڈر لگے گا نہیں
عمیر نجمی
Ghazal
BichaR gaye to ye dil umr bhar lagay ga nahiN
Lagay ga, lagnay laga hai, magar lagay ga nahin!
NahiN lagay ga usay dekh kar, magar khush hai
MaiN khush nahiN hooN magar, dekh kar lagay ga nahiN
JunooN ka hujm zyada, tumhara zarf hai kam
Zara sa gamla hai, is maiN shajar lagay ga nahiN
Ik aisa zakhm numa dil qareeb se guzra
Dil us ko dekh k cheekha: "thehar! lagay ga nahiN?"
JunooN se kund kia hai, so us k husn ka keel
Meray siwa kisi deewaar par lagay ga nahiN
Hamaray dil ko abhi mustaqil pata na bana
HamaiN pata hai tera dil idhar lagay ga nahiN
Bohat tawajja, ta'alluq bigaaR deti hai
Zyada darnay lagaiN ge to dar lagay ga nahiN
Umair Najmi