Heart Touching Poetry in Urdu By Asim Tanha :

غزل نمبر ایک :

اس کی چپ نے کہا خدا حافظ

میرے  دل  نے  سنا خدا حافظ

مدتوں   بعد    نیند   آئی  ہے

جھومتی ہر صدا خدا خافظ

جب خدا نے مری دعا نہ سنی 

تب خدا کو  کہا  'خدا  حافظ'

کارِ ہستی میں اک وفا زادہ

کہہ  گیا  بے  وفا خداحافظ

راہیں اطراف سے نکل آئیں

ہوگئے ہیں جدا خدا حافظ

شب گزاری فصیلِ جاں پہ مگر

کہہ   رہا   ہے   دیا  خدا حافظ

آخری راستہ جدائی ہے

انتہا التجا خدا حافظ

میرا  معصوم دل رہا  تنہا

لکھ رہا جا بجا خدا حافظ

عاصم تنہا

غزل نمبر دو :

میں کروں اعتبار کیا صاحب ！

اب بھلا ان سے پیار  کیا صاحب

زندگی   بتینی  تھی  بیت   گئ

جوش فصل بہار کیا صاحب ！

جب مجھے تیرگی ہے راس بہت 

چاند  کا   انتظار    کیا   صاحب

دل  دھڑکتا  ہے بس دھڑکتا ہے

اس پہ  اب اختیار کیا صاحب

پھیکا پھیکا سا کیوں ھوا چہرہ ؟

دل ہوا بے   قرار   کیا   صاحب ！

لوگ ہنستے ہیں دیکھ کر........ تنہا

ساتھ پھر دے وہ یار کیا صاحب！

 عاصم تنہا 

غزل نمبر تین :

گر مرا ہوتا تو وہ ایسے پرایا ہوتا ！

میری میت پہ مرے سامنے  آیا  ہوتا 

میں اسے دل کے نہاں خانے میں رکھتا ایسے

نہ گیا ہوتا کوئی اور نہ آیا ہوتا

ظلم ڈھایا ہے زمانے کی ہواؤں نے بہت 

ہائے  افسوس  نہ  یہ  دیپ  جلایا ہوتا

کتنی آسان سی ہو جاتی  یہ  رنجور حیات 

اس کو اس دل میں نہ یوں اپنے بسایا ہوتا

آج کے دن مجھے بخشا گیا ہجر  بیباک 

سوچ کے گھر کو یونہی آج سجایا ہوتا 

کاش اس عشق سے بہتر تھا کہ تنہا تو نے 

رنج  و  آلام  کو  ہی  دوست  بنایا  ہوتا 

عاصم تنہا 

غزل نمبر چار :

ملنے  کا    امکان   بناۓ   بیٹھے  ہو

کس کو دل اور جان بناۓ بیٹھے ہو

برسیں آخر بارش جیسے کیوں آنکھیں

تم   بادل   مہمان    بناۓ    بیٹھے  ہو

دشت کی خاک سمیٹی میں نے پلکوں سے

گھر  اپنا  دالان   بناۓ  بیٹھے  ہو

کون کس کی  یاد بھلاۓ جانے کو

تم آنگن  شمشان  بناۓ  بیٹھے  ہو

قسمیں وعدے جھوٹے جس کی خاطر تم

دل  اپنا  ویران  بناۓ  بیٹھے  ھو

تنہا  تنہا رہتے   ہو   عاصم  تنہا

یہ کیسی پہچان بناۓ بیٹھے ہو

عاصم تنہا